عارفين
أول ما عيني وقعت عليه ....
عرفت انه مقدر لي واني مقدرة ليه
مكتوبة ليه , وصفحتي البيضا يادوب حاتتملي بيه
كان لي حلم جميل بتمناه يتحقق, وفي لحظة بقى لي واقع اجمل
خلاص اتحقق

روحي فيه ... وهي الكانت هايمة ليها كتير تفتش فيه
عمري ليه ... وليه لا ؟ ماهو الاول والتاني والاخير
قلبي هو ... بسببه دق ودق ودق ماخلاه حي
بشتاق ليه ... في الثانية وفي الدقيقة وفي كل لحظة بتتلاقى
فيها رموش عيني
 
مجنونة بيه ... ما هو صباحي ومساي ... يومي والجاي
شبعي وغداي ... مويتي ورواي ... مرضي وشفاي ...
الكنت فيه والحاكون عليه معاه
بريده ... ريدة لا بترسمها ريشة فنان ولا بتكتبها يد شاعر
عشقان

آآآآآآآآآآآآه , عارفين
بحبه والله ... وهواه لي نعمة