يومية

فبراير 2012
الإثنينالثلاثاءالأربعاءالخميسالجمعةالسبتالأحد
 << < > >>
  12345
6789101112
13141516171819
20212223242526
272829    


إعلان

المتصلون الآن؟

عضو: 0
زوار: 3

rss رخصة النشر (Syndication)

صندوق الحفظ

 

معاينة المقالات المنتمية الى الفئة: كلامي

29 ديسمبر 2007 

كفاية علي

حبيبي
انت عارف انا بحبك حب لو اتوصف يبقى كذبة
مرات بحس انه كفاية علي احبك الحب دا كله وما دايرة منك مقابل
كفاية علي تكون آخر من بغمض عليه عيني , واول من اشوفه لمن اصحى
كفاية علي الفرحه الجاتني بظهورك في حياتي
كفاية علي امل بحب جا في زمن نساه وقال كفاية
كفاية علي احب وجودي في الدنيا لانك فيها
كفاية علي اقول مرحب للدخل قلبي بدون سلام
كفاية علي دقة قلبي ورعشته لمن ارعف انك جنبي ومعاي
كفاية علي حلاوة احساس جاني زي نسمة ربيع لفح وشي
كفاية علي بحبك
خوخة · شوهد 347 مرة · 17 تعليق
الفئات: كلامي
29 نوفمبر 2007 

هترشة


انا ماسكة الامل بيدي يا ...........
انت عارف ؟
انا دايرة الحب يا ...... ودايرة معاه راحة البال
يا ...............
حبيت اناديك باسمك بس
انت عارف
انا فتحت الباب لقلبي وقلت ليه امرق القاه
انا نسيت الفات والله
لكني خايفة من الجاي
انت عارف
انا عايزة اعيش
عايزة لمن يجي في بالي ابكي لاني مشتاقة ليه
عايزة لمن القاه اجري عليه وكلي لهفة لكني امسك نفسي في آخر لحظة
عايزة لمن اكلمه العبرة تخنقني واتمتم وما القى الاقولو ليه
عايزة احبه وقلبي يرتاح لمن يكون جنبي
عايزة احلم .....والحلم يبقى لي حقيقة لمن اصحى عشان هو سيده
عايزة افرح بسرعه , لكن برضو خايفة احزن بسرعه
بخاف لو لقيته قلبي ما يتحمل
انت عارف
خليتني اعيش العايزاه من تاني
انا قلبي واثقة منه
انا مستنية , لمن يلقاه هيأشر لي عليه
مش كدا ولا انا بغش في نفسي
انت عارف
اشتقت للحب
خوخة · شوهد 188 مرة · 0 تعليق
الفئات: كلامي
22 نوفمبر 2007 

انا جاية عليك

انا جيت
جيتك يا الكاتبينك في الجبين
جيتك يا القلب قال لي اصبري جاييك
جيتك والشوق سابقني ليك
الفرحة والبسمة جارية ليك
الريدة يا ريدي سالتني منك
الحنين يا حناني متمنية ردك
النسيم شاورني يوديني وين
اشرت ليه يصبراسأل حبيبي لوين
لكن انت عارف معاك ما هاميني المكان
امانه انسى الجاي والكان
خلي العمر يقيف في اللحظة البكونها معاك
يا انت
انت عارف جنتي في نظرة عيون منك
في لمسة دفا يدك
تعال لي هاندي جيت
تعال يا الهواك واصلني من قبل ما تصرح بيه
تعال اناديك بشنو حيرتني معاك
اناديك حبيبي كل الناس قالتها
اناديك عمري ما هو ليك
اناديك روحي ماهي هايمة بيك
انا بعشقك
بعشق فيك حبك للحياة
بعشق فيك املك بالمساء
بعشق فيك حوجك للحب
بعشق فيك الرجل الانت فيه
خلاص يا حبيبي
افتح يدينك لي انا جاية عليك
خوخة · شوهد 267 مرة · 17 تعليق
الفئات: كلامي
30 أكتوبر 2007 

احبني كما انت

بحبك وانت عارف دا
لمن تناديني انا بحيا
لمن تشكي لي همك انا بفرح
لمن تحتاجني انا بروى
انا اتخلقت عشان اكون ليك
ما انا انت وانت انا
كلمني البعاد ليه
وريني الجفاء ليه
خايف لي اشيل همك ما انت همي
خايف علي افكر ليك ما انت فكري
كلمني ما الكلام منك بزودني
قول الآه .... ناديني
قول اسمي ..... اصرخ لي
اشيل همك ..... تشيل همي
اشفي المك .... تشفي المي
بحب روحك بحب لونك بحب صوتك بحب شوفتك
بحب صحوك بحب نومتك
بحب سمحك بحب كعبك
ما تخاف علي انا ما معاك
ما تروح مني عشان بلقاك

خوخة · شوهد 134 مرة · 0 تعليق
الفئات: كلامي
30 أكتوبر 2007 

جاهد واتحملني

جاهد وأتحملني
طفلة .... ما انت حبيتني كدا
بلعب وبجري وبضحك
بصرخ وبزعل وبعاند
لكن لمن اكون معاك بكبر
بشوف نظرة عيونك لي بخجل
بسمع مناداتك لي برتبك
بسمع كلامك معاي بتجنن
وجودك جنبي بحركني
احساسك بي بينعشني
عشان كدا كون زي ما انت واتحملني
اتحمل صيفي وشتائي
اتحمل ناري وبرودي
اتحمل هروبي منك ..... وجودي جنبك
اتحمل ضعفي معاك .... قوتي ليك
ما انا طفلة .... لكن بكلمة منك بكبر
خوخة · شوهد 166 مرة · 0 تعليق
الفئات: كلامي

الصفحة السابقة  1, 2, 3, 4, 5, 6, 7  الصفحة التالية