يومية

مايو 2008
الإثنينالثلاثاءالأربعاءالخميسالجمعةالسبتالأحد
 << <فبراير 2012> >>
   1234
567891011
12131415161718
19202122232425
262728293031 


إعلان

المتصلون الآن؟

عضو: 0
زائر: 1

rss رخصة النشر (Syndication)

صندوق الحفظ

 

معاينة المقالات المرسلة في: مايو 2008

19 مايو 2008 

يا انت يا البتمناك قلبي

عارف
بريدك ريدة يا عمري غلبني الكلام عنها
دايبة في بحور عينيك وخايفة اضيع منها
استنيتك سنين فاتت ولسة الجاي عايشنها
لقيتك وانتهى صبري بفرحة كنا داسينها
مكانتك في القليب محفوظة وما كانت لغيرك عمرها
جيتك ومادة يديني تاخدني لبر وحيد حقنا
يا أمل دنياي وأمانها العايشة فيه ولينا وكلنا
داريني برموش عينيك وخاف علي امرق منها
عايشة بحبي ليك , زادي ودواي وكاسي البروى منها
شايلة حبك في قلبي وخايفة يتدفق منها
ريدتك دايرة فوق قلبي قلوب عشان يقدر يشيلها ويحفظها
يا أنت يا البتمناك قلبي من لحظة لقانا وسعدنا
تعال , وخلينا نختار لمتنا نهاية لقصة حبنا



خوخة · شوهد 239 مرة · 4 تعليق
الفئات: كلامي
09 مايو 2008 

بريدك ....... دا المهم بالنسبة لي

انت اجمل الرجال في نظري يا عمري
عارف
بديت اكتب في مذكراتي من يوم لقيتك
دايرة اسجل كل لحظة بعيشها معاك
دايرة اتذكر كل ثانية وانا فيها بتمناك
دايرة احكي للناس كل فرحة ايامي بيك
دايرة اوثق للتاريخ بداية ريدتي ليك
بحبك
دا البعرفه ودا المهم بالنسبة لي
بهواك
دا القلته ودا البغني بيه ليك
بشتاق ليك
في الثانية وفي الدقيقة ومع كل نسمة داخلة ومارقة مني
انا ليك
دا البضمنه
انت لي
دا الدايره اعرفه
بريدك
بريد احساسي وانا معاك
بريد شوقي وانت هناك
بريد صورتي في عينيك
بريد اسمي وانت بتناديه
بريد بسمتي وانا بعاين ليك
بريدك
دا القلته
ودا المهم بالنسبة لي

خوخة · شوهد 196 مرة · تعليق 1
الفئات: كلامي
04 مايو 2008 

شوية خطرفة مع الحبيب

حبيبي 
ممكن أصارحك بحاجة
فتشت عليك من زمان وهاندي لقيتك بالصدفة
انا جريئة شوية
لكن الفي قلبي على لساني
حبيتك من يوم لقيتك
ومليت لي أيامي  فرحة بعد ما كانت أواخر الشتا مدياني زيارة
صبرت عمري كلي عشان القاك
والحاجة بالصبر بتجي في النهايةوهاندا انا بتكلم معاك
بس سألت نفسي السؤال السألته لي
إني مبسوطة ولا لأ
لقيت نفسي راضية ومبسوطة لأني معاك
عارف
بحسد نفسي إني حبيتك
لأنك برئ في زمن بقت البراءة بهربوا منها الشباب ويعتبروه مرض معدي لأنك جميل ببساطة بعد ما بقى الجمال البسيط مركون ومنسي
انت ما معقو
لما معقول لأنك بترسم الضحكة زي ما بترسم لوحة جميلة في مفرش
حتى الثعلب حقك برئ
يعني بلعب ببراءة
وحرام الزيك مافي
حرام علينا اننا جينا في زمن ما بريد الاصالة ولا الحب الشريف والكلمة الطيبة
الحمدالله انه انت ما انكسرت وهاندي انا كمان بحاول ما انكسر
عارف الناس اتغيروا ليه
لانهم بهربوا من واقع رافضين يعيشوا فيه
في حين هم لو رضوا بيه هايلقوا الفرحة الغابت منهم سنين
كلنا يا حبيبي ملهيين
لكننا على الأقل بناخد ثواني نراجع فيها البينا والعلينا
بناخد لينا حتة ومكان بعيد شوية نراجع فيه العملناهنبكي لو اتظلمنا
نحاسب روحنا لو غلطنا
نكتب فيه الكلام الغالبنا نقولهوفي النهاية نكون قلناه بطريقة تانية
معليش اتكلمت كتيرلكن انت الخليتني اتكلم
معناها انت الرائع مش انا
والله البسمة ما بتفارق وشي يا حبيبي من يوم عرفتك ولا بحاول امحيها
ولو حبيت ابكي بختار لي مكان ما يشاركني فيه زول عشان مايشوفوني وانا باكية
دايرة الكل يشوف البسمة والفرحة فين
يوما تزعل مني لو اخترت البكا براي
لانه بكاي دا الخاصية الوحيدة البريدها وانا براي
بحسها انها ملكي دموعي غالية يشوفها عزيز غيري
اناانت تشارك معاي الفرحة وتخلي الحزن بعيدعشان لو بعدت تتذكرني بالبسمة ونور الفرح جواي
خلاص انا اتكلمت كتير 
خوخة · شوهد 328 مرة · 19 تعليق
الفئات: كلامي
01 مايو 2008 

دا كل الهاقوله ليك

بقعد ليالي كتيرة بسهر وافكر فيك
ولمن اغمض عيوني بحلم بيك
بحبك
دا كله البقدر اقوله ليك
عارف
مستعدة لكل حاجة وانا معاك
ما خايفة من الجاي لاني لقيتك خلاص
ومشتاقة لحكايتنا تبدا وابأ انا احكيها للناس
يا انا
يا الفرحة الجاتني من بعد طول وانتظار
اوعدني تكون معاي
بتحبني وتحتاج لي زي ما انا بحتاج ليك
اوعدني تكون لي , خليني ليك وبيك
خليني اعيش ليك بعد ما كنت عايشة لغيرك
خليني احلم فيك بعد ما كنت بحلم بيك
خليني اشتاق وانت قريب , بعد ما اشتقت ليك وانت بعيد
خليني اجري على مكانك , بعد ما كنت بجري افتش عليه
اوعدني حبنا ما يموت
لو افترقنا تبقى لي ويبقي ليك
هاعيش يا عمري بحكايتنا
وهاتعيش انت عشان تحييها
بحبك
ودا كل الهاقوله ليك

خوخة · شوهد 152 مرة · تعليق 1