يومية

أبريل 2008
الإثنينالثلاثاءالأربعاءالخميسالجمعةالسبتالأحد
 << <فبراير 2012> >>
 123456
78910111213
14151617181920
21222324252627
282930    


إعلان

المتصلون الآن؟

عضو: 0
زوار: 2

rss رخصة النشر (Syndication)

صندوق الحفظ

 

معاينة المقالات المرسلة في: أبريل 2008

25 أبريل 2008 

هترشتي

عارف
رايداك
وما كتيرة عليك
الريدة الفي قلبي ليك ما كتيرة عليك
عمره ما كان داير وعود
الحب والريده ما دايرين مننا وعود
عارف
حاولت اوصف البينا بقصيدة
خاطرة .... كلام سمح وغريب , لكني ما قدرت
عارف ليه , لانه البينا ما بوصفه ديوان
اقول ليك حاجة
لم حبي ليك , وحبك لي
انا بحبك اكتر منهم الاتنين
عارف
الفات من عمري ما تحسبه علي
انا اتولدت من يوم لقاي بيك
اقول ليك شئ
حبي ليك زي الزاد لروحي
زي دموع نازله من نجوم ساكنة سماي انا
كل ما ازعل منك وتزعل مني
برجع ليك وترجع لي وحبنا اقوى من الاول
وكل ما أقول أنساك واكمل الباقي براي
ارجع , والملم صورتك القطعتها
كل ما افقد الصبر في حبنا , اشيلها ترجع لي حبي ليك من تاني
عارف
لمن اشوفك , قلبي الساكن جواي يهرب مني ويجري عليك
وما عارفه ليه
لمن يتكلموا فيك الناس كل حته فيني بترجف
والناس , بتعرف البينا من نظرة عيونك لي ورجفة روحي بيك
عارف
مرات بسأل  نفسي
ليه قلبي منبين كل الناس اختار ليه ورادك
ارجع واعرف براي , بفرحتي بيك وانت معاي
عارف
بريدك
خوخة · شوهد 318 مرة · 15 تعليق
الفئات: كلامي
18 أبريل 2008 

بخافك

 
على قدر حبي ليك ....... بخاف منك
بخافك ونظرات عيونك لي بتكشفني
بخافك وانت بتقرا افكاري وبتقولا لي
بخافك وانت بتحس بجرحي من قبل قولتي للآه وبتداويه لي
بخافك لمن تغيب وتبعد وترجع قبل شوقي ما يكبر ويصرخ بيك
بخافك لمن تقولا لي وتخلي كل حتة فيني تتمنى ترد وتقولا ليك
بخافك وانت عارفني
بخافك وانت بتعرف حاجتي ليك بدون ما اطلبها منك
بخافك وانت جنبي وكل الناس عارفة البينا من ريدتك لي
بخافك وانت بتصبحني بحبك وتمسيني بحنانك لي
بخافك يا قلبي البدق دقاته وحي لانك مالكه وفيه
بخافك يا الروحي قالت لي انت دايم وخلتك قطعة مني
بخافك بعد كل العشته بي ولي ما تكون في النهاية معاي
بخافك يا حبيبي , ومع خوفي بتمناك تكون لي

خوخة · شوهد 204 مرة · تعليق 1
الفئات: كلامي
17 أبريل 2008 

من البداية كان كتير عليك

جاييني تاني وبتقول بتحبني
بعد شنو
بعد ما خليتني ابكي دموعي دم
خليتني افتح بابي للاحزان واسلم عليها واحضنها
خليتني اتذكر ملامحي ايام الفرحة كانت بترسمها
مرات كتيرة بفكر
لو اوفى الناس خانوني , اخط الملامة في باقي البشر ليه
عارف زمان , كرهت نفسي مرة لاني شفتك بتبكي
كنت فاكرة دموعك دموع انسان بحب وبحن وبعشق
ونسيت اني انا البحب وبحن وبعشق
عارف
مرات بحس انه من البداية كان كتير عليك
حبي ليك , عشقي بيك , هواي فيك
حلمي بيك , فكري فيك , سرحاني ليك
بتحبني ........... طيب
بحبك ....... صحيح , ولسة بحبك
لكن نكون لبعض .....دي الخلاص
الحب ما بجي كدا
ما قرار انا بقرره
ما حاجة او زول انا بشوفه وبقول دا هو
هي حاجة بتجي كدا بدون اذن ولا تفكير
دا كان انت
وهاسي , الكان بيني وبينك اعتبره ذكرى حلوة
يا انت
سلام

خوخة · شوهد 180 مرة · تعليق 1
الفئات: كلامي
02 أبريل 2008 

واااااي يا يما

يما
دايرة أقول ليك شئ يا يما
بحبه وقلبي داره يا يما
وااااي يا يما , ليه ما قلتي أنه صعب
الحب سمح يا يما , لكنه بحرق
حرق لي عقلي وأنا بفكر فيه
حرق لي عيوني بدموع مشتاقة ليه
حرق لي قلبي وزاد دقاته بيه
اقعدي يا يما , ووريني الجاي بعدين شنو
هانصل للنهاية يا يما ولا الفرقة نصيبنا
يما بريدني يا يما
عارفة بريدني لأني اتعلقت بيه
ما بشوف غير صورته في عيوني يا يما
اصحى وأنوم وهو في بالي يا يما
بتنفس ريحته , وهواه جاري في دمي يا يما
كلامي كله عنه يا يما , وقلبي ما بكتب غير ليه
لمن أشوفه رموش عيني بتخاف تتلاقى يا يما
بتخاف تبعد بعد ملاقاه تلقاه عيوني مافي
لما يبعد يا يما بنسى إني حية
بنسى الناس والكون وما بحيى إلا لما يرجع
يما ...............ادعي لي يا يما يكون لي راجلي ونسيبك وأبو أولادي وأحفادك يا يما
ادعي يسهل طريقي ليه ويجيني يا يما
ادعي حكايتنا تكون فرحة والناس بتحكيها يا يما
أنا ليه يا يما ........ قلبي وإحساسي بقولوا
كدااقلديني وباركي لي حبنا يا يما
عارفة يا يماالفرحة ألفي عيونك بتقول لي مبروك
مبروك ليك وليه ولحبكم المولود جديد 
خوخة · شوهد 647 مرة · 3 تعليق
الفئات: كلامي