كنت قاعده
حسيت بحاجة بتقول لي التفتي
ما كنت فاكرة اني هالاقيه الليله
عيني وقعت في عينه وقلبي خلاص قال لي هاندا
حاولت اتكلم اصرخ اهمس لكن ما قدرت
دموع فرت من عيني
مديت ليه يدي اسلم عليه برضو عارضتني
جاني هو
جاني بوجه ملاك وضحكة برائة مالكة الدنيا بالفيها
جاني بعيون امل وحب خلتني اكره الفات من عمري
قلت ليه كنت وين
رد علي وقال بفتش عليك
اتاخرت لكن
المهم اتلاقينا , فكري في الجاي وما تفكري في الفات
اشتقت ليك
من يوم وعيت على الدنيا وانا عارفاك جاي
استنيتك يا فرحة قلبي , يا رعشة يدي
استنيتك يا صباح حسيته خلاص بمجيك
استنيتك ومستعده اكمل الباقي معاك
قصدي ابدا من جديد , انا عمري ما بدا معاك
مد يدك لي وارح نمشي
نمشي وما نعاين لورا
وديني لبلد انت سيدها وانا ستها
بلد مافيها الا حبي ليك وحبك لي
حبي الخلاص مرق بجيتك يا عمري
حبي ليك الكان بكبر كل يوم وكل ساعه لحدي ما لقاك
حبيبي
يا الكلمة العشت عمري دايرة اناديك بيها
يا الكل قال لي انسي ماجاي وانا قلبي يقول لي لا اصبري
اصبري هاتلقيه وجنتك تبديها معاه
جنتي البحلم بيها ليلي ونهاري اني اكون معاك
حبيبي
خلاص تعال
تعبت هترشة وكلام
تعال واديني الراحه الكستها من زمان
رخصة النشر (Syndication)