يومية

نوفمبر 2008
الإثنينالثلاثاءالأربعاءالخميسالجمعةالسبتالأحد
 << <فبراير 2012> >>
     12
3456789
10111213141516
17181920212223
24252627282930


إعلان

المتصلون الآن؟

عضو: 0
زوار: 3

rss رخصة النشر (Syndication)

صندوق الحفظ

 

معاينة المقالات المرسلة في: نوفمبر 2008

26 نوفمبر 2008 

صورة في خيالي

عارف يا انت
حلمت بيك
رسمتك صورة في خيالي
وسرحت فيك
أملت بيك قلبي وروحي
واتمنيت
اتمنيتك تمرق من الصورة الرسمتك ليها
واشتقت ليك
قلبي اشتاق وبنادي عليك
وبقول ليك
يا اللوحة الرسمها فنان .....أنا الريشة الرسمتك بيها
يا القصيدة الغناها العشاق .... أنا الشاعر النظمتك فيها
الرواية الاتكتبت واتحكت .... إنت الحروف الاتقالت فيها
الحديقة المليانة وورد ... أنا الموية الرويتك بيها
يا رعشة قلبي البدق ... ودقاته الانت الفيها
انا حبيتك من زمان ... من يوم رسمتك صورة
ولسة بحبك ودايراك .... من صورة تبقى حقيقة
خوخة · شوهد 760 مرة · 27 تعليق
الفئات: كلامي
13 نوفمبر 2008 

اشتقت ليك

اشتقت ليك
ماعارفة انت معاي ولا بعيد مني
لكن بس
بتمنى
وبحلم
دايرة اكون معاك
مالية دنيتك بحبي ليك
وانت مالي علي دنيتي بلهفتك علي
بريدك
وبتوه من الناس والدنيا وانا معاك
دايرة افضل معاك
في الحلوة والمرة , وفي كل الاحوال
افرح بيك وتفرح بي وتتفاخر بي بين الناس
انا ليك دا عهدي عليك
وانت لي , ولو ما قلت لي
احفظني فيك
ما انا حافظاك في قلبي وداساك من الناس
خليني ليك
انت بقيت لي الجاي زي ما كنت لي الامس
سكتني
من ريدتي ليك بفتش في الكلام البقوله ليك
بريدك
خوخة · شوهد 510 مرة · 26 تعليق
الفئات: كلامي
08 نوفمبر 2008 

انا هديته ليك

ياااه , حأقول شنو بس
انت الحروف البتقول وبتحكي
انت الكلمات البتحب وبتعشق
عارف
حبيتك من اللحظة الشفتك فيها
ومن بعدها بقت اللحظات تحلى وأحلى
عايزاك
عايزاك تنسيني الدنيا وانا جنبك
تاخدني من دنيا الاحلام وتسكني الحقيقة الدايراها معاك
لو حصل وبالي غاب عنك ثواني
رجعني ليك ولنفسي وللحظتي البقت ليك
انا هديتك ليك
قلبي ....هديته ليك
وهو مقتنع اني حبيتك
اغرمت بيك وهويتك
ياااه , يا سعادتي ودنيتي
يا سلامي ومنيتي
يا بداية عمري وخاتمة حلمي الاتحقق بلقاك
بحبك ...... جد وبقولا ليك
خوخة · شوهد 455 مرة · 21 تعليق