يومية

ديسمبر 2010
الإثنينالثلاثاءالأربعاءالخميسالجمعةالسبتالأحد
 << <مايو 2012> >>
  12345
6789101112
13141516171819
20212223242526
2728293031  


إعلان

المتصلون الآن؟

عضو: 0
زوار: 2

rss رخصة النشر (Syndication)

صندوق الحفظ

 

معاينة المقالات المرسلة يومي: 01/01/2001

23 أبريل 2009 

تعال خلاص خلينا نتلم

عارف
حبيتك من شفتك
دسيت احساسي بيك
ودعيت ربي يجمعني بيك
اتمنيتك تحس
تشوف شوقي ليك وانت جنبي
تسمع همسي بيك الجوه قلبي
تعرف اني ليك واديتك اسمي
وشفتني
جيت علي وقلت مرحب
مرحب بالزمان فتشت عليها ولقيتها حسي
مرحب بوصف النجوم لدرب مشيته ووصلني لقربك
مرحب بغنية بسمعها من صباحي لحدي ما امسى
مرحب بست بيتي وام اولادي الشايلة اسمي من بدري
وانا قلت آآآآآآآه
كنت وين
خليتني اسأل عليك قلبي
يقول لي جاي ما تهمي
جاني حلم
حلمك قريب يتحقق
قريت اسمه
مكتوب في جبينك ومسطر
شميت ريحته
جارية جواك وفي دمك
وصدقته
صدقت قلبي لانه دق لحبك
صدقت قلبي لانه عاش لريدتك
يا انت
تعال خلاص خلينا نتلم
خوخة · شوهد 584 مرة · 0 تعليق
16 أبريل 2009 

بريدك .... دا اعتراف مني ليك انت

يا انت
عارف ...... عندي ليك اعتراف
زماااااان شفتك
في الحلم , وقلتت لي خلاص انا جاي
صحيت ...... وما كنت عايزة اصحى
رجعت احلم بيك من تاني ....... ما عرفت
العرفته انك جاي ........ وقعدت استنى
الكل قال لي انسي .... دا خيال
وانا قلت ليهم انسى ......كيف دا بتنفس ليه
انسى .... كيف دا انا شايفاه حتى وانا نايمة
بحس بيه مع كل نسمة هوا جاية
سامعه صوته مع كل زقزقة عصفور
قارية اسمه مع كل حرف مكتوب
انسااااه ......دا انا عايشة عشان القاه
وجيت
جيت وقلبي دق
جيت وروحي ردت
جيت وغناي مرق وقال للناس حاندى
عارف
من جيت خليت الدنيا احلى
عرفت الضحكة بعد ما كانت بسمة
عرفت الشوق ,بعد ما كنت بسمع بيه حكوة
عرفت السهر , وليلي كله معاك همسة
عرفت الريدة , من نظرة منك بلسمها
دايراك لي ...... ومناي بتين نتلم
خوخة · شوهد 493 مرة · 6 تعليق
03 مارس 2009 

ورجعنا للهترشة

من وين جيتني انا ما عارفة
حلم كنت لي واتحقق , دا الانا عارفاه
منيت قلبي بلقاك , وهو العاش عشان يلقاك
دا انت من لحظة كنت بدايتي الرايحة
وفي لحظة بقيت نهايتي الجاية
دق دق دق ..... سامع , دا قلبي بناديك
كلامك لي فرحة .. وعيونك وهي بتعاين لي غنية
ريدتي ليك كانت من زمان فكرة
انت بعد ما جيت خليت الفكرة منية
ريدتي ليك في الجبين مرسومة وفي العيون ملمومة وفي القليب مدفونة
انت عارف
الفات من عمري ما تحسبه علي
انا اتولدت من يوم لقاي بيك
عارف
بريدك
دا الانا عارفاه
خوخة · شوهد 534 مرة · تعليق 1
الفئات: كلامي
20 ديسمبر 2008 

داير مني شنو

داير مني شنو ...... وريني
معاك عملت ال لي ..... والعلي
سهلت ليك كل الصعاب ....لا , وكمان شلتها
غيرت ليك حياتي كتير .... والخوف اقول مسحت ماضيني وونسيت معاك الفات والكنت عليه وفيه
وهبت ليك .... أنا
سلمت ليك قلبي وعقلي
روحي ودمي
ضحكي وبكاي
حلمي الفات وحلمي الجاي
آمالي وطموحي كمان
وحفظت نفسي هدية ليك بعد قولة مبروك
مبروك .... خلاص من اتنين وانا وانت , بقينا واحد واحنا
دا غير حبي ليك
آآآآآآآآآآآه انا من ريدتي ليك
خلاني افتش في الحروف .... اصوغ واكون منو كلام في حبي ليك وانشده
خلاني افتش في الوشوش جمال اوصفك بيه وارسمه
خلاني افتش في الكتب رواية تشبه حكايتي معاك
اسأل في الطيور عن مكانك ووجهتي ليك
طالبة من الملايكة ترعاك وتحفظك لي ويحفظني ليك
عارف
حبيتك ... وعقلي ما قادر يستوعبه
حبيتك ... وقلبي داير يشيله ويحفظه
ولسة ولو علي , الما اتعمل اعمله
يلا قول لي .... داير مني شنو , وريني
خوخة · شوهد 499 مرة · 2 تعليق
26 نوفمبر 2008 

صورة في خيالي

عارف يا انت
حلمت بيك
رسمتك صورة في خيالي
وسرحت فيك
أملت بيك قلبي وروحي
واتمنيت
اتمنيتك تمرق من الصورة الرسمتك ليها
واشتقت ليك
قلبي اشتاق وبنادي عليك
وبقول ليك
يا اللوحة الرسمها فنان .....أنا الريشة الرسمتك بيها
يا القصيدة الغناها العشاق .... أنا الشاعر النظمتك فيها
الرواية الاتكتبت واتحكت .... إنت الحروف الاتقالت فيها
الحديقة المليانة وورد ... أنا الموية الرويتك بيها
يا رعشة قلبي البدق ... ودقاته الانت الفيها
انا حبيتك من زمان ... من يوم رسمتك صورة
ولسة بحبك ودايراك .... من صورة تبقى حقيقة
خوخة · شوهد 779 مرة · 27 تعليق
الفئات: كلامي

الصفحة السابقة  1, 2, 3 ... 14 ... 27  الصفحة التالية