انا اسمي خوخه
مولودة يوم 4/12/1982
كان يوم برد ومطر زي ما بتقول امي
انا اتولدت في الامارات وعشت عمري كلو هناك
مشيت السودان للجامعه بس
كل الناس كانوا فاكرني هارجع من اول اسبوع
لكن سبحان الله ارتبطت بلبلد دي بطريقة غريبة
بقيت اتحجج لمن بابا يرسل لي عشان اجي الاجازة
حبيت كل حته فيها بالغرم من المشاكل والمصاعب الفيها
انا كنت بنت , ممكن تقولوا زي كل بنات المغتربين متوحدة
كان عالمي بعد ما ارجع من المدرسة غرفتي مسجلي والمجلات والروايات
كان جني قراية
كان عندي عالمي الخاص العايشة فيه
كانت صداقاتي مختصرة على المدرسة
برة المدرسة ما بعرف زول
ما كنت اجتماعية نهائي
لكن في السودان كل حاجة اتغيرت
كل حاجة في اتغيرت
انا طيبة وما هاقول مسكينه
ما بثق في الزول من اول مرة
وعندي حكاية الانطباع الاول في الزول
يا اما احبو من اول نظرة او اكرهو
ممكن تقولوا انا كنت قيادية في الجامعه
كنت من يسمعون لهم كلمة
عشان كدا الملف بتاعي في الجامعه اسود
البشوفني لالول مرة ببتعد خوفا من الاحراج لكن والله صحبتي حلوة
عمري ما حبيت ولا كنت بعترف بالحكاية دي
ورفضت كل من كان يطلب يدي
يمكن عشان انا رومانسية زيادة عن اللزوم وكنت خاته صورة في خيالي لفارس الاحلام
بحب الكتابة
وجريئة وما بخاف
كلمة الحق بقولا ولو على رقبتي
لكن احيانا بتنازل عن المواجهة
لمن بعرف انوا الحقيقة دي هاتجرح وبضر بتنازل عنها
بسمع الكلام
عاملة زي الاطفال الصغار في الفرح
بنسى الدنيا وما فيها
ضحكتي حلوة فيها تاثير ( شكر روحو شيطان )
انا بس حبيت تعرفوني كويس
تسلموا لي والله يديكم العافية