يومية

ديسمبر 2008
الإثنينالثلاثاءالأربعاءالخميسالجمعةالسبتالأحد
 << <فبراير 2012> >>
1234567
891011121314
15161718192021
22232425262728
293031    


إعلان

المتصلون الآن؟

عضو: 0
زائر: 1

rss رخصة النشر (Syndication)

صندوق الحفظ

 

معاينة المقالات المرسلة يومي: 01/01/2001

06 غشت 2008 

انت عارفها

كنت بالنسبة لي فكرة
حلم
منية
ولمن اتحققت
بقيت لي رغبة
هدف
نهاية دايرة اصل ليها واعيش فيها
يا انت
يا اللهفة البتجيني كل ما اشتاق ليك
يا الفرحة البتملكني كل ما افكر فيك
يا الرعشة البتملاني كل ما احس بيك
ب..........


 

انت عارفها

خوخة · شوهد 430 مرة · 21 تعليق
09 يوليو 2008 

يعني تصدقوا

يعني تصدقوا
واحد + واحد = اتنين
الا احنا
كسرنا المعروف والمن زمان وللآخر حايكون
انا وهو
اتنين اتلموا وبقوا واحد
شايل قلبين اتلموا لو واحد ضعف التاني يديه دفعة ويحيه من تاني   لامي روحين هايمين مشتاقين , لو حاد التاني من دربه رجعوا الاول وكملوا
هو
ساكني , ومالي علي الدنيا من يوم جا
انا
رايداه , وبقيت ليه ومستنياه
عارفين
قدر ما احكي واوصف واهترش
ما بقدر
بس عارفين
بحبه
خوخة · شوهد 1360 مرة · 32 تعليق
الفئات: كلامي
08 يوليو 2008 

مشتاقة ليه

مشتاقة ليه
شوق لو اتوصف يكون معناه كذبة
محتاجة شوفته
هي البتروي حنيني ليه وتديني امل لبكرة
دايرة قربه
بحس بالامان الفتشت ليه زمان ومعاه لقيته
بريده
ما هو الامس والليله والبكرة الجاي وبعده
عارفين من بتين
من لحظة عيوني وقعت عليه وهو جاي علي يسلم
عارفين كيف
من بسمة شفايفه الخلت قلبي يضحك
عارفين من شنو
من حنية وكلام مهموس جاي منه بدون ما يتكلم
عارفين
بحبه
والله في سماه يشهد
خوخة · شوهد 536 مرة · 24 تعليق
01 يوليو 2008 

رسائل قصيرة 2

والله تصدق
قلبي داير يطير من الفرحة
حاسة كدا انه الدنيا بتضحك لي
الطير بغني لي
القمرة ساكناني ومضوية وشي
يااااااااااااااااه يا انت , بالجد ؟؟؟؟؟
---------------------------------------------
يا الكتبت ليك وكتبت عنك حروف في الحب والعشق والغرام
يا الغنيت ليك وفيك قصيدة شاعرها حروف اسمك وخيوط قلمي البريدك
يا النسجت ليك وشاح حنانورسمت فيه بداية لحكاية نهايتها سعيدة
يا انت ..... اشتقت ليك
---------------------------------------------
تصدق
من سمعتها والفرحة مالياني
البسمة راسمة شفايفي
النورة ضوت لي وشي
دقة قلبي بتزيد كل ما اسمع رنتي
عارف ؟
من الفيني دايرة اهترش , دايرة اغني ,
دايرة ارسم واكتب واوصف ريدتك لي
يا انت
بريدك
---------------------------------------
بشتاق ليك في كل لحظة
بفرح ليك مع كل رنة
مشتهية شوفتك الليله قبل بكرة
مرتاحة لأني عارفة اني في بالك مدسية
----------------------------------------
عارف
اشتقت ليك
انت وصوتك ورنة التلفون البتقول هاندي جاتك منه رساله باعت ليك حبه وشوقه لقلب حس لأول انه حي بلقاه بيك
----------------------------------------
خوخة · شوهد 464 مرة · 19 تعليق
الفئات: كلامي
18 يونيو 2008 

بريده ....وبريدني

بريده ....وبريدني
عرفت كيف ؟ .....
من نظرة عيون مليانة كلام دايرة توصف حبه لي
من شوقه لي لمن ابعد نظري ثانية القاه ناداني وهو بسال مشيتي وين ارجعي لي
احساسي بيه وهو معاي .... وهو بعيد ,وكأن الدنيا معاي وبتضحك لي
بحنان يغمرني كلي من مجرد صوره ليه تجي في البال وتملكني
بخجل ... وبداري وشي من الناس خوف يحسدوني عليه وهو جاي علي
هو فرحان , وماشي يحكي للكل عن قصته معاي من يوم شافني ومناه بي
راسمني لوحة بريشة عشقه لي , لحني غنية بكلمات شوقه لي
كاتبني في صحفته اني حبيبته ومرته ونصه الفضل سنين يسأل عن لقاه بي
ملكني الدنيا بين يدي , سكن الفرحة في عيني , عيشني الراحة وقال لي لسة ما وفيت ليك
تاني يا ربي اقول شنو
عارفين
لو فضلت الليله وبكرة واليوم الجاي بعده وبعده اوصف واحكي عن ريدته لي وريدتي ليه ما بنتهي
خوخة · شوهد 448 مرة · 23 تعليق
الفئات: كلامي

الصفحة السابقة  1, 2, 3, 4, 5 ... 15 ... 27  الصفحة التالية