يومية

يوليو 2010
الإثنينالثلاثاءالأربعاءالخميسالجمعةالسبتالأحد
 << < > >>
   1234
567891011
12131415161718
19202122232425
262728293031 


إعلان

من على الخط؟

عضو: 0
زائر: 1

rss رخصة النشر (Syndication)

صندوق الحفظ

 

30 نوفمبر 2007 

هترشة ما كملت

هيييييييييييييييييي
يا انت , كيفك
ممكن اقول ليك حاجة
عقلي بدا يضيع مني وانت السبب
انت بتقودني للجنون , وانت عارف كدا
كنت فاكرة اني حية لكني بعترف بالموت وانت بعيد
ارجع
امنحني الحنان الفقدته من يوم غيابك عني
ارجع
ورجع لي فرحة صباح امسى ليل طويل ما داير ينسى
ينسى كيف والليل كله ذكرى منك وعندك
ارجع
حبك ماهو الحب الوحيد الانا عايزاه
انت ملكتني من قبل ما الاقيك , وانا ليك بعترف
ارجع
واحتويني من تاني واوعاك تفكني وتخليني ضايعه
انت حب حياتي ما انت سيدي
خوخة · شوهد 206 مرة · 13 تعليق
30 نوفمبر 2007 

باقي هترشة


ناديت كتير , في نص الليل وعيني بتفتش عليه
برفع يدي احاول امسك خيال كان معاي حقيقة
راح مني في لحظة , غمضت عيني قلت يمكن يكون حلم هاصحى منه قريب ويكون هو في
دايرة اصدق انه خلاص , لكن قلبي بقول لي لا اصبري
تعبت ودايرة اتنازل , لكنه بجيني ذكرى تقويني وترجعني للبداية
هاستناك , والله جد هاستناك
تعال ورجعني لزمانا داك وخليني احيا معاك من تاني
دايرة اناديك وتجي جاري علي
حبيبي
آآآآآآآآآآآآآآآآآآآآآآآه يا حبيبي
تعال وامسك يدي الماداها ليك وطير بي للبعيد
طير بي لمكان لينا برانا ما يشاركنا فيه زول
تعال واكتب نهاية لقصيدة تعبت وانا اكتب فيها
تعال وناديني من تاني , ياااااااااااه يا ريتك تعرف كيف مشتاقة تناديني من تاني
خليني ارجع احب اسمي النكرته من يوم ..................
خليني ...................
خوخة · شوهد 114 مرة · 0 تعليق
29 نوفمبر 2007 

هترشة


انا ماسكة الامل بيدي يا ...........
انت عارف ؟
انا دايرة الحب يا ...... ودايرة معاه راحة البال
يا ...............
حبيت اناديك باسمك بس
انت عارف
انا فتحت الباب لقلبي وقلت ليه امرق القاه
انا نسيت الفات والله
لكني خايفة من الجاي
انت عارف
انا عايزة اعيش
عايزة لمن يجي في بالي ابكي لاني مشتاقة ليه
عايزة لمن القاه اجري عليه وكلي لهفة لكني امسك نفسي في آخر لحظة
عايزة لمن اكلمه العبرة تخنقني واتمتم وما القى الاقولو ليه
عايزة احبه وقلبي يرتاح لمن يكون جنبي
عايزة احلم .....والحلم يبقى لي حقيقة لمن اصحى عشان هو سيده
عايزة افرح بسرعه , لكن برضو خايفة احزن بسرعه
بخاف لو لقيته قلبي ما يتحمل
انت عارف
خليتني اعيش العايزاه من تاني
انا قلبي واثقة منه
انا مستنية , لمن يلقاه هيأشر لي عليه
مش كدا ولا انا بغش في نفسي
انت عارف
اشتقت للحب
خوخة · شوهد 129 مرة · 0 تعليق
الفئات: كلامي
29 نوفمبر 2007 

تعال نتلم


خايفة اقول ليك قلبي ما قادر يحتويك
دايرة فوق قلبي قلوب عشان اشيل حبي ليك
ارضى بالحجم الصغير الخاتاك انا فيه
تعال نتلم من هاسي خوف العمر يحرمني ليك
تعال يا امل بكرة ............. يا الحلم البقى لي اكيد
خوخة · شوهد 732 مرة · 27 تعليق
22 نوفمبر 2007 

انا جاية عليك

انا جيت
جيتك يا الكاتبينك في الجبين
جيتك يا القلب قال لي اصبري جاييك
جيتك والشوق سابقني ليك
الفرحة والبسمة جارية ليك
الريدة يا ريدي سالتني منك
الحنين يا حناني متمنية ردك
النسيم شاورني يوديني وين
اشرت ليه يصبراسأل حبيبي لوين
لكن انت عارف معاك ما هاميني المكان
امانه انسى الجاي والكان
خلي العمر يقيف في اللحظة البكونها معاك
يا انت
انت عارف جنتي في نظرة عيون منك
في لمسة دفا يدك
تعال لي هاندي جيت
تعال يا الهواك واصلني من قبل ما تصرح بيه
تعال اناديك بشنو حيرتني معاك
اناديك حبيبي كل الناس قالتها
اناديك عمري ما هو ليك
اناديك روحي ماهي هايمة بيك
انا بعشقك
بعشق فيك حبك للحياة
بعشق فيك املك بالمساء
بعشق فيك حوجك للحب
بعشق فيك الرجل الانت فيه
خلاص يا حبيبي
افتح يدينك لي انا جاية عليك
خوخة · شوهد 218 مرة · 17 تعليق
الفئات: كلامي

الصفحة السابقة   ... 5 ... 7, 8, , 9 ... 17 ... 26  الصفحة التالية